Kiedy na grubie mój sztajgier mnie wkurzy,
A staro rozedre tyn swój wstryntny pysk,
Jo siadom na koło do celu poróży,
A w taszy mó sznitki i tyj.
Czeko tam na mnie łogródek mój mały,
Łopata, kopaczka, lałba i gnój,
A Hajna zza płota zawoło mie Achim!
Postow ta halba na stół.

	Tabu tibu, tibu daj,
	Tabu tibu, tibu daj,
	Czas łoddychy, łoddychu, łoddychu to czas.
	Tabu tibu, tibu daj,
	Tabu tibu, tibu daj,
	Czas łoddychy, łoddychu to czas.

Kopaczkom jo glonczki szturchom od spodka,
Tomaty podleje mój gumi-szlauch,
A Hajna zza płota zawoło mie Achim!
Postow ta halba na stół.

	Tabu tibu, tibu daj,...

A kiedy za hołda klara się schowo,
Ciągnie po szkiytach i lekko się ćmi,
Jo chytom się Hajny, kulomy się do dóm,
A Truda łotwiyro mi drzwi.

	Tabu tibu, tibu daj,...

Jo Trudzie łod przodka zarozki cukruja:
Kochany dziubeczku jak jo przaja ci,
A łóna mi na: to nie fandzol pijoku,
Legnij se na szezlóng i śpij.

	Tabu tibu, tibu daj,...